Ulan

May lumuluha.

Nasa ilalim ka ng ulap,
malayo sa anino niya,
naliligo
sa malamig na tubig
na walang kulay
kundi salamin ng mata mo.

Magdaraan ang ulan
sa bibig,
maalala mo ang kanyang matang
kahawig ng titig mo,
lalasahan mong muli
habang nakatikom ang mata at labi,
hindi mo mabura ang alaala ng mata niya,
unti-unti kang naglalaho
kapiling ng pagtila ng ulan.

May lumuluha.

If you're new here, you may want to subscribe to my RSS feed. Thanks for visiting!